Wednesday, May 11, 2011

கீழக்கரை பள்ளிகளில் பிளஸ் 2 தேர்வில் அதிக மதிப்பெண்கள் பெற்ற மாணவ ,மாணவிகள் விபரம்! இஸ்லாமியா பள்ளி மாணவிகளுக்கு முதல் இரண்டு இடங்கள் !




கீழக்கரை மே.11.

பிளஸ் 2 தேர்வில் கீழக்கரை பள்ளிகளில் நகர அளவில் முதல் இரண்டு இடங்களை இஸ்லாமியா மெட்ரிக் பள்ளி மாணவிகள் கைப்பற்றினர்.மூன்றாம் இடத்தை முஹைதீனியா மெட்ரிக் மாணவி பெற்றுள்ளார்.

இஸ்லாமியா மெட்ரிக் பள்ளியில் 64 மாணவ மாணவிகள் பிளஸ் 2 தேர்வில் வெற்றி பெற்றனர்.இவர்களில் அப்சன் பாத்திமா 1142 மதிப்பெண்களும் பெற்று முதலிடமும்,பாத்திமா அஸ்ரா 1130 மதிப்பெணகள் பெற்று இரண்டாம் இடத்தையும்,நஜியா பாத்திமா 1127 மதிப்பெண்கள் எடுத்து மூன்றாம் இடத்தையும் பிடித்தனர். இவர்களில் அப்சன் பாத்திமா மற்றும் பாத்திமா அஸ்ரா ஆகிய இருவரும் கீழக்கரை நகர அளவில் முதல் இரண்டு இடங்களை பிடித்துள்ளனர்.

முஹைதீனியா மெட்ரிக் பள்ளியில் மாணவி ஜாமிஆ பாத்திமா 1129 மதிப்பெண்கள் பெற்று முதலிடமும்,கீழக்கரை அளவில் 3ம் இடமும் பெற்றுள்ளார்.சித்தி ருக்சானா 1116 மதிப்பெண்கள் பெற்று இரண்டாம் இடமும், உம்முல் அசிபா 1104 மதிப்பெண்கள் பெற்று 3ம் இடமும் பெற்றுள்ளனர்.

கைராத்துல் ஜலாலியா மேல்நிலைப்பள்ளியில் அல் ஹம்தியா 1093 மதிப்பெண்கள் பெற்று முதலிடத்தையும் , சண்முக பிரியா 1029 மதிப்பெண்கள் பெற்று இரண்டாம் இடத்தையும், கவிதா 962 மதிப்பெண்கள் பெற்று மூன்றாம் இடத்தையும் பிடித்துள்ளனர்.

ஹமீதியா மெட்ரிக் பள்ளியில் ஹசீனா மொஜிரா பாத்திமா 1107 மதிப்பெண்கள் பெற்று முதலிடமும்,செய்யது பர்வீன் 1082 மதிப்பெண்கள் பெற்று இரண்டாம் இடமும், தைபு ரினொஷா பாத்திமா 1081 மதிப்பெண்கள் பெற்று மூன்றாம் இடத்தையும் பிடித்தனர்.


ஹமீதியா பெண்கள் மேல் நிலைப்பள்ளியில் ஹசூரா பானு 1112 மதிப்பெண்கள் பெற்று முதல் இடத்தையும், ஆயிசத்துல் ராலியா 1108 மதிப்பெண்கள் பெற்று இரண்டாம் இடத்தையும் ,மோனிகா ஜெலஸ்,ஹம்மத்து நசீரா ஆகிய இருவரும் தலா 1078 மதிப்பெண்கள் பெற்று மூன்றாம் இடத்தை பகிர்ந்து கொண்டனர்.

ஹமீதியா ஆண்கள் மேல்நிலை பள்ளியில் சலாம் ஹுசைன் 1019 மதிப்பெண்கள் பெற்று முதலிடத்தையும் , சக்தி முருகன் 1003 மதிப்பெண்கள் பெற்று இரண்டாம் இடத்தையும், யாசிர் அகமது 994 மதிப்பெண்கள் பெற்று மூன்றாம் இடத்தையும் பெற்றுள்ளனர்.

வெற்றி பெற்ற அனைத்து மாணவ ,மாணவிகளும் எல்லா நிலைகளிலும் புகழ் பெற்று விளங்க கீழக்கரை டைம்ஸ் வாழ்த்துகிறது.

2 comments:

  1. muhaideeniah school result missing here, I came to know that muhaideeniah school student got 1129 marks. pl clarify the name details.

    ReplyDelete
  2. hanks for your information . updated http://keelakaraitimes.blogspot.com/2011/05/2.html

    ReplyDelete

செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.