கீழக்கரையிலிருந்து முதல் காவல் துறை சப்-இன்ஸ்பெக்டர் .

கீழக்கரை.மார்ச்.2. கீழக்கரை பருத்திக்கார தெருவை சேர்ந்த சேர்ந்தவர் யூசுப் சாகிப் மகன் முகம்மது அனஸ் இவர் எம்.பி.ஏ. படித்துள்ளார். சென்னை புதுக்கல்லூரியில் 2005 - 2008 ஆண்டுகளி பி.காம் பட்டபடிப்பை முடித்த இவர் தொடர்ந்து மேற்படிப்பான எம்.பி.ஏ. 2008 - 2010 வரை கீழக்கரை சதக் கல்லூரியில் பயின்று பட்டம் பெற்றார். இவர் சென்ற வருடம் ஜூலை மாதம் தேர்வு எழுதி சப் - இன்ஸ்பெக்டராக தேர்வு பெற்றார்.ஒரு ஆண்டு பயிற்சிக்காக சென்னை அசோக் நகர் காவல் நிலையத்தில் பயிற்சி எஸ்.ஐயாக பணி புரிந்து வருகி றார்.

இது குறித்து சப்-இன்ஸ்பெக்டர் அகமது அனஸ் கூறியதாவது,
 

என்னுடைய தந்தையின் கனவு ,நான் வெளிநாடு செல்லாமல் நமது தாய்நாட்டிலேயே பணி புரிய வேண்டும குறிப்பாக அரசாங்க வேலையில் சேர வேண்டும் என்பது தான். மேலும் எம்.பி.ஏ நிறைவு செய்த நேரம் எஸ்.ஐக்கான தேர்வு எழுதும் வாய்ப்பு கிடைத்து தேர்வானேன் இதற்கு என் தந்தையார் கொடுத்த ஊக்கம்தான் முக்கிய காரணம் என்றார் .

இது குறித்து இஸ்லாமியா பள்ளிகளின் தாளாளர் எம்.எம்.கே. முகைதீன் இப்ராகிம் கூறியதாவது, காவல்துறைக்கு தேர்வு பெற்ற அசனுக்கு விரைவில் பாராட்டு விழா நடத்தப்படும்.மேலும் ஐ.பி.எஸ் தேர்வு எழுத தேவையானவற்றை அவருக்கு செய்து தர தயாராக இருக்கிறோம்.இவரை பின்பற்றி இளைஞ்ர்கள் அதிகளவில் அரசுபணிக்கு தயாராக வேண்டும் என்றார்.

கீழக்கரையிலிருந்து காவல்துறைக்கு செல்லும் முதல் நபர் இவர்தான் என்று கூறப்படுகிறது.இவரை போல் இளைஞர்கள் அரசு ஒதுக்கியுள்ள சிறுபான்மையினருக்கான 3.5 இட ஒதுக்கீட்டை முழுமையாக பயன் படுத்தி இன்னும் ஏராளமானோர் அரசு பணியில் சேரவேண்டும் என்பது இப்பகுதி மக்களின் ஆவல்.

வாய்ப்பிருந்தால் உங்க‌ள் வாழ்த்துக்க‌ளை எஸ்.எம்.எஸ்ஸாக தெரிவியுங்கள் அன‌ஸ் மொபைல் : 0091 9994923397