சேதமடைந்த நிலையில் கீழக்கரை தோரண வாயில்!சீர்படுத்த கோரிக்கை!

கீழக்கரை எல்லையில் பெரிய அளவில் நுழைவு தோரண வாயில் சிமெண்ட் கட்டிடம் உள்ளது .

பல்லாண்டுகளுக்கு முன் வள்ளல் சீதக்காதி நினைவு தோரண வாயில் அமைக்கப்பட்டது.இந்நிலையில் தற்போது வள்ளல் சீதக்காதி நினைவு தோரண வாயில் மேற்பகுதி சேதமடைந்த நிலையில் உள்ளது.

இது குறித்து கீழக்கரையை சேர்ந்த முஜீப் கூறுகையில்,

கீழக்கரை நுழைவு பகுதியான இந்த சாலையில் அதிகமான வாகனங்கள் வந்து செல்லும் பகுதியாக இருப்பதால் தோரண வாயிலின் மேற்பகுதி இடிந்து விழுமானால் ஆபத்து ஏற்பட்டு விடும் எனவே உடனடியாக சம்பந்தப்பட்டவர்கள் நடவடிக்கை எடுத்து சீர் செய்ய வேண்டுமென கேட்டு கொள்கிறேன் என்றார்.