தமிழகத்தில் ராமநாதபுரம் மாவட்டம் நீணட கடலோர பகுதியை கொண்டதாகும்.மன்னார் வளைகுடா கடல் பகுதி என்றழைக்கப்படும் இப்பகுதிய்ல் ஆயிரக்கணக்கான மக்கள் மீன் பிடி தொழில் ஈடுபட்டு வருகின்றனர்.ராமேஸ்வரம்,மண்டம்,கீழக்கரை ,ஏர்வாடி உள்ளிட்ட பல்வேறு ஊர்களில் கடல் சார் வணிகம் அதிகளவில் நடைபெற்று வருகிறது.
இந்நிலையில் தற்போது மண்டபம்,கீழக்கரை உளளிட்ட ஊர்களில் பழங்காலத்தில் பிரதான முறையாக இருந்த பழமை வாய்ந்த கூடு வைத்து மீன் பிடிக்கும் முறையை பயன்படுத்தி மீனவர்கள் பலர் மீன் பிடிப்பில் ஈடுபட்டு வருகின்றனர்.தற்போதைய காலத்தில் இவ்வகை மீன் பிடி முறை அரிதாகி விட்டது
வல்லத்திலோ,வத்தையிலோ,கட்டுமரத்திலோ கடலுக்கு இவ்வகை கூடுகளை எடுத்து செல்லும் மீனவர்கள் தனியாகவோ அல்லது சிலருடன் சேர்ந்தோ இத்தொழிலில் ஈடுபடுகிறார்கள்.இத்தொழிலில் ஈடுபட கடலில் 5 பாகத்திற்கு மேல்(ஒரு பாகம் ஆறு அடி என்று குறிப்பிடுகிறார்கள்) கடலுக்கு அடியில் செல்கிறார்கள். காலை அல்லது மாலை நேரங்களில் கடலுக்குள் முப்பது அடி ஆழத்திற்குள் மீன்கள் அதிகம் இருக்கும் பகுதிக்குள் முக கவசத்துடன் முழ்கி செல்லும் மீனவர்கள் கூட்டை அடியில் வைத்து விட்டு அதில் மீனுக்கு இரையையும் போட்டு விட்டு வந்து விடுவர்.
தகவல் உதவி எஸ்.ரங்கசாமி
இது குறித்து கடல் சார் தொழிலில் ஈடுபட்டு வரும் கீழக்கரை நெய்னா முகம்மது கூறுகையில்,
இவ்வகையான மீன் பிடித்தொழிலில் செய்ய அதிக முதலீடு தேவையில்லை பிடிபடும் மீன்களின் எடை 4 கிலோ முதல் 8 கிலோ வரை இருக்கும்,கடல் வளத்தை பாதிக்காது,பல்வேறு வகையான வலைகளை பயன்படுத்தி மீன்கள் குஞ்சு பருவத்திலேயே பிடிக்கப்படுவது தடுக்கப்படுகிறது.மேலும் கடலில் முழ்கி சங்கு எடுக்க தெரிந்தவர்கள்,கூடு பின்ன தெரிந்தவர்கள் ,கடலில் எந்த பகுதியில் மீன்கள் கிடைக்கும் என்பதை ஓரளவுக்கு தெரிந்தவர்கள் இத்தொழில் வெற்றிகரமாக செயல்படமுடியும்.அரசாங்கம் இவ்வகையான தொழில்களை ஊக்கப்படுத்தவேண்டும் என்றார்.
No comments:
Post a Comment
செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.