கீழக்கரையில் 50 ஆயிரத்துக்கும் மேற்பட்டோர் வசித்து வருகின்றனர். இங்கு 9 ரேஷன் கடைகள் உள்ளன. 10 ஆயிரத்துக்கும் மேற்பட்ட கார்டுதாரர்கள் இந்த கடைகளில் அத்தியாவசியப் பொருட்களை வாங்கி வருகின்றனர்.
கடந்த சில மாதங்களாக இங்குள்ள ரேஷன் கடைகளில் பருப்பு, மண்ணெண்ணெய், சீனி உள்ளிட்ட அத்தியாவசிய பொருட்கள் கார்டுதாரர்களுக்கு முறையாக விநியோகம் செய்வதில்லை என்று புகார் எழுந்துள்ளது.
குறிப்பாக பருப்பு வகைகள், மண்ணெண்ணெய் ஆகியவை ரேஷன் கடைகளுக்கே போதிய அளவு சப்ளை செய்யப்படாததால் இருப்பில்லை இதனால் வேறு வழியின்றி கார்டுதாரர்களுக்கு ஒரு மாதம் விட்டு ஒரு மாதம் இவை விற்பனை செய்யப்படுவதாக ரேஷன் கடை ஊழியர்கள் தெரிவித்துள்ளனர்.
அத்தியாவசியப் பொருட்கள் முறையாக விநியோகம் செய்யப்படவில்லை என்பது குறித்தும், ரேஷன் கார்டுகளில் பெயர் நீக்கம், சேர்த்தல் உள்ளிட்ட பணிகளுக்கும் இப்பகுதி மக்கள் ராமநாதபுரம் தாலுகா அலுவலகத்திற்கு செல்ல வேண்டியுள்ளது. எனவே ரேஷன் விநியோகம் குறித்த குறைதீர் கூட்டத்தை கீழக்கரையிலும் நடத்த வேண்டும் என இப்பகுதி மக்கள் வலியுறுத்தி வருகின்றனர்.
இது குறித்து கீழக்கரை நகராட்சி துணைத் தலைவர் ஹாஜாமுகைதீன் கூறுகையில்,
இதனால் ரேஷன் கார்டுகளில் பெயர் திருத்தம், முகவரி மாற்றம், பெயர் சேர்த்தல், நீக்கம் போன்றவைகளுக்கு ராமநாதபுரம் தாலுகா அலுவலகத்திற்கு பெண்களே செல்ல வேண்டிய நிலை உள்ளது. மேலும் அத்தியாவசியப் பொருட்கள் விநியோகத்தில் உள்ள குறைபாடுகளையும் தெரிவிக்க ராமநாதபுரத்திற்கு செல்ல வேண்டும்.
எனவே கீழக்கரையிலும் உணவுப்பொருள் வழங்கல் தொடர்பான மக்கள் குறைதீர் கூட்டம் நடத்த மாவட்ட நிர்வாகம் நடவடிக்கை எடுக்க வேண்டும் என்றார்.
இது தொடர்பாக நகராட்சி தலைவர் ராவியத்துல் கதரியா கூறியதாவது,கீழக்கரையில் பச்சரிசி , பாமாயில் உள்ளிட்ட ரேசன் பொருட்கள் விநியோகம் சீராக நடைபெற வேண்டுமென மாவட்ட கலெக்டரிடம் மனு கொடுத்துள்ளதாக தெரிவித்துள்ளார்
No comments:
Post a Comment
செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.