Saturday, July 21, 2012

கீழக்கரை கிழக்குத் தெரு பள்ளியில் கல்விவளர்ச்சி நாள் விழா!



கீழக்கரை கிழக்குத் தெரு ஹைராத்துல் ஜலாலியா மேல்நிலைப்பள்ளியில் காமராஜர் பிறந்தநாள் விழா கல்வி வளர்ச்சி நாளாக கொண்டாடப்பட்டது.

கிழக்குத்தெரு முஸ்லீம் ஜமாத் துணைத்தலைவர் முகைதீன் அப்துல்காதர் தலைமை வகித்தார். பள்ளியின் தாளாளர் டாக்டர் சாதிக், கல்விக்குழு உறுப்பினர்கள் சுஐபு, ஹூசைன் அப்துல்காதர், ஆரிபின், சிகாபு ஆகியோர் முன்னிலை வகித்தனர். தலைமை ஆசிரியர் முகம்மது மீரா வரவேற்றார். விழாவில் தேவையான‌ மாணவர்களுக்கு நோட்டு புத்தகம் மற்றும் சீருடைகளையும் மேலும் மாணவ மாணவியருக்கு பரிசுகளையும் பள்ளியின் தாளாளர் சாதிக் வழங்கினார்.

தொடக்கப்பள்ளி தாளாளர் செய்யது இப்ராகிம், தமிழாசிரியர் சையது அபுதாஹிர் பேசினர். உதவி தலைமை ஆசிரியர் சவுகர்சாதிக்அலி நன்றி கூறினார்.

No comments:

Post a Comment

செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.