தீக்குச்சிகளை பயன்படுத்தி பிரமீடு உள்ளிட்ட மாதிரி வடிவங்கள்! அசத்தும் கீழக்கரை மாணவர்!

கீழக்கரையை சேர்ந்த மாணவர் அப்துல் ஹமீது  கீழக்கரை முஹம்மது சதக் இன்ஜினியரிங் கல்லூரியில் (B.Arch)கட்டிட கலை துறையில் முதலாம் ஆண்டு பயின்று வருகிறார்.இவரது தந்தை சீனி இப்ராஹிம் துபாயில் உணவு விடுதி நடத்தி வருகிறார்.

இம்மாணவர் புதுமையான முயற்சிகளில் மிகுந்த ஆர்வமுடைய இவர் தீக்குச்சிகள் மூலம் பிரமீடு போன்ற வடிவமைப்பு உள்ளிட்ட மாதிரி கட்டிடங்களை உருவாக்கி வருகிறார்.

இது குறித்து மாணவர் அப்துல் ஹமீது கூறியதாவது,

 புராஜக்ட் பணிக்காக இது போன்ற தீக்குச்சி மூலம் மாதிரி  பிரமீடை உருவாக்கினேன்.இன்னும் சிலவற்றை உருவாக்கி வருகிறேன்.எதிர்காலத்தில் சிறந்த கட்டிடகலை வல்லுனராக உருவாகி அனைவருக்கும் பயனளிக்கும் வகையில் எனது முயற்சிகள் இருக்கும் என்றார்.