18வது வார்டில் வீட்டுக்குள் சாலையோர கழிவுநீர் செல்லும் அவலம்!கவனிக்க மறுப்பதாக கவுன்சிலர் மீது புகார்

  வீட்டு வாசலில் தேங்கி நிற்கும் கழிவுநீர்

கீழக்கரை 18வது வார்டின் ஒரு பகுதியில் சாலையோரம் உள்ள கழிவு நீர் கால்வாய்களில் பல இடங்களில் சிமெண்டி மூடி உடைந்தும் ,குப்பை கூளங்கள் நிறைந்தும் இருப்பதால் கழிவு நீர் சீராக ஓடாமல் தேங்கி சுகாதார சீர்கேடு ஏற்படுகிறது.மேலும் சில தாழ்வான இடத்தில் வீடுக்குள் கழிவுநீர் புகும் அவல நிலையும் ஏற்பட்டுள்ளது.

இது குறித்து அப்பகுதியை சேர்ந்த சுஃபியான் கூறியதாவது,


நீண்ட காலமாக இப்பிரச்சனை இருந்து வருகிறது.கால்வாய் மூடிகள் உடைந்து இருப்பதால் உள்ளே தவறி விழும் சம்பவமும் நடைபெறுகிறது.இங்கே தேங்கி நிற்கும் கழிவு நீரால் தொற்று நோய்கள் வருவதற்கான வாய்ப்புகள் உள்ளது. குறிப்பாக இப்பகுதி வழியாக ஏராளமான பள்ளி சிறுவர் சிறுமிகள் சென்று வருகின்றனர்.மேலும் இப்பகுதியில் உள்ள  கால்வாயிலிருந்து கழிவுநீர் வழிந்து வீட்டு உள் பகுதிக்கு கழிவு நீர் புகுந்து விடுகிறது.இதனால வீட்டில் உள்ளவர்கள் படும் சிரமத்திற்கு அளவே இல்லை.வீட்டில் உள்ளவர்கள் ஒவ்வொரு நாளும்  வீட்டில் புகுந்த கழிவுநீரை வெளியேற்றும் அவல நிலைக்கு வீட்டுக்காரர்கள் தள்ளபடுகிறார்கள்.

இது தொடர்பாக பல முறை இப்பகுதியின் கவுன்சிலர் முஹைதீன் இப்ராஹிமிடம்  எடுத்து கூறியும் எவ்வித நடவடிக்கையையும் இவர் எடுக்கவில்லை.ஊர் பிரச்சனையில் முன் நிற்கும் இவர்  முதலில் தனது வார்டு பிரச்சனையை தீர்க்க வேண்டும்.இவர்தான் நகராட்சியின் பார்வைக்கு எடுத்து சென்று வார்டின் குறைகளை தீர்க்க வேண்டும்.ஆனால் யாரும் கேட்பார் இல்லாததால் இப்பகுதி மிக மோசமான சுகாதார கேடில் முன்னிலை வகிக்கிறது.இதனால் இப்பகுதியை சேர்ந்த மக்கள் பெரும் விரக்தியில் உள்ளனர்.இனியாவது இப்பகுதி பிரச்சனையை தீர்ப்பார்களா? என்றார்.

படங்கள் மற்றும் செய்தி : எஸ்.கே.வி சேக்(கீழக்கரை கிளாசிபைட்)